Google ADS

Xabi Alonso: Të përdorim dhimbjen e eliminimit vitin e kaluar që të shkojmë në finale këtë sezon

17:19 | 8 Maj 2024
KRG

Trajneri i Bayer Leverkusen, Xabi Alonso, ka folur para ndeshjes së dytë gjysmëfinale të Europa League kundër Roma-s, të planifikuar për t’u luajtur nesër në orën 21:00 në “BayArena”.

“Aspirinat” fituan me rezultatin 2-0 në “Olimpico” janë disi më komodë se “verdhekuqtë” e Italisë, megjithatë trajneri i skuadrës gjermane deklaron në konferencën për mediet se ekipi i tij duhet të kujtoi se vitin e shkuar u eliminuan nga ky kundërshtar dhe nuk duhet ta lejojnë që diçka e tillë të ndodhë sërish.

“Do të jetë një super ndeshje, me një super atmosferë. Është një gjysmëfinale evropiane, një rast i mrekullueshëm për ne. Më kujtohet se si na pritën tifozët vitin e kaluar ishte e pabesueshme. Ne nuk e kemi harruar dhimbjen vitin e kaluar, kur Roma na eliminoi, do të duhet ta përdorim këtë dhimbje për të  shkuar në finale dhe për gëzuar së bashku me tifozët tanë në fund të ndeshjes”-tha fillimisht spanjolli./Ss

Shpërndaje në rrjete sociale

Lajmet më të lexuara

Të ngjashme

Foto lajm